Global Cues : GIFT Niftyથી Wall Street સુધી ક્યાં જોવા મળી રહી છે તેજી

GIFT Nifty શરૂઆતના વેપારમાં 29.50 પોઇન્ટ ઘટીને 23,980.50ની આસપાસ ટ્રેડ થઈ રહ્યો હતો. તે ભારતીય શેરબજારમાં સપાટથી નબળી શરૂઆતનો સંકેત આપે છે. અગાઉના સત્રમાં ભારતીય બજારે ચાર દિવસની ઘટાડાની ચાલ અટકાવી હતી. Sensex 362.57 પોઇન્ટ એટલે કે 0.48% વધીને 76,515.43 પર અને Nifty 24.25 પોઇન્ટ એટલે કે 0.10% વધીને 23,897.70 પર બંધ થયો હતો. જોકે સમગ્ર સપ્તાહ દરમિયાન બંને મુખ્ય ઇન્ડેક્સમાં લગભગ 1%નો ઘટાડો નોંધાયો હતો.

એશિયન બજારોમાં તેજી

મજબૂત અમેરિકન રોજગાર આંકડાને વૈશ્વિક આર્થિક વૃદ્ધિ માટે સકારાત્મક માનવામાં આવતાં એશિયન બજારોમાં તેજી જોવા મળી હતી. જોકે આ જ મજબૂત રોજગાર આંકડાથી US Federal Reserve વ્યાજદર વધારી શકે તેવી શક્યતા વધી છે. તેના કારણે શુક્રવારે US માર્કેટના ત્રણેય મુખ્ય ઇન્ડેક્સ ઘટાડા સાથે બંધ થયા હતા. Dow Jones 0.51%, S&P 500 0.38% અને Nasdaq 0.29% ઘટ્યા હતા.

ક્રૂડ ઓઇલમાં તેજી

US અને ઈરાન વચ્ચે વધતા તણાવ તથા સ્ટ્રેટ ઑફ હોર્મુઝમાં જહાજોને નિશાન બનાવવાની ઘટનાઓથી મધ્ય પૂર્વમાંથી ઓઇલ સપ્લાય ખોરવાવાની ફરીથી આશંકા વધી છે. તેના કારણે ક્રૂડ ઓઇલના ભાવમાં તેજી ચાલુ રહી હતી. ક્રૂડના ઊંચા ભાવ ભારત માટે આયાત ખર્ચ, ફુગાવો અને રૂપિયાના મૂલ્ય પર દબાણ વધારી શકે છે. બીજી તરફ મજબૂત US Payroll Data અને વ્યાજદર વધવાની શક્યતાને કારણે સોનાના ભાવમાં નરમાઈ જોવા મળી હતી.

DIIની ખરીદી બજારને આપી શકે ટેકો

વિદેશી સંસ્થાકીય રોકાણકારોએ 4 સપ્ટેમ્બરે ભારતીય શેરોમાંથી ₹3,111 કરોડનું વેચાણ કર્યું હતું. તેની સામે સ્થાનિક સંસ્થાકીય રોકાણકારોએ ₹8,930 કરોડની મોટી ખરીદી કરી હતી. DIIsની ખરીદી સતત 19મા સત્રે ચાલુ રહી હતી, જે બજાર માટે મહત્વનો ટેકો બની શકે છે.

આ પણ વાંચો: CAS પર SEBIની સમીક્ષા: એક મહિનામાં શું બદલાયું? સેબી શા માટે કન્સલ્ટેશન પેપર લાવશે?

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16