Gold Silver Price : સોના અને ચાંદી આજે ફરી ચમક્યા, જાણો કેટલો છે ભાવ?

સોના (Gold) અને ચાંદી (Silver)ના ભાવમાં મંગળવારે સવારે ફરી એક વખત તેજી જોવા મળી છે. સપ્તાહની શરૂઆતમાં બંને કિંમતી ધાતુના ભાવમાં ઘટાડો આવ્યો હતો. જોકે, મંગળવારે બજારમાં સુધારો જોવા મળ્યોછે. આંતરરાષ્ટરીય બજારમાં એટલે કે Comex પર સોનાના ભાવમાં ઘટાડો જોવા મળ્યો જ્યારે ચાંદીની ચમક જળવાઈ રહી હતી. ઘરેલુ બજારમાં MCX પર સોના અને ચાંદીના ભાવમાં તેજી જોવા મળી હતી. જોકે, રીટેલ બજારમાં મંગળવારે શરૂઆતમાં સોનાના ભાવમાં આંશિક ઘટાડો જોવા મળ્યો છે. 24 કેરેટ ગોલ્ડ પ્રતિ ગ્રામ રૂ. 15,535,22 કેરેટ ગોલ્ડ પ્રતિગ્રામ રૂ. 14,240 અને 18 કેરેટ ગોલ્ડ પ્રતિ ગ્રામ રૂ. 11,651ના ભાવે વેચાઈ રહ્યું છે.

આંતરરાષ્ટ્રીય બજારમાં ચાંદીમાં ચમક, સોનામાં નરમાઈ

આંતરરાષ્ટ્રીય બજાર Comexના મંગળવાર સવારના આંકડા જોઈએ તો સોનામાં 0.7 ટકાની નરમાઈ જોવા મળી છે. સોનાનો ભાવ પ્રિત ઔંસ 4473.50 ડોલરે પહોંચી ગયો છે. ચાંદીનો ભાવ 1.01 ટકા ઉછળ્યો છે. ચાંદી પ્રતિ ઔંસ 67.425 ડોલર પર ટ્રેડ થતી જોવા મળી હતી. બીજીબાજુ ઘરેલુ બજારમાં સોના અને ચાંદી બંનેમાં ચમક જોવા મળી છે. MCX પર સોનાનો ભાવ પ્રતિ 10 ગ્રામ અંદાજે રૂ. 1.53 લાખની આજુબાજુ ટ્રેડ થતો જોવા મળ્યો છે. ચાંદીનો ભાવ ઊછળીને પ્રતિ કિલો રૂ. 2.40 લાખની આજુબાજુ ટ્રેડ થઈ રહ્યો છે.

સોના-ચાંદીમાં ખરીદી પહેલાં ચેક કરો ભાવ

ભારતમાં સોના અને ચાંદીમાં તેજી જોવા મળતા રિટેલ બજારમાં પણ સોના અને ચાંદીના ભાવમાં ફેરફાર જોવા મળ્યા છે. ગૂડ રિટર્ન્સ મુજબ 24 કેરેટ સોનાનો ભાવ પ્રતિ ગ્રામ રૂ. 15,535, 22 કેરેટ સોનાનો ભાવ પ્રતિ ગ્રામ રૂ. 14,240 અને 18 કેરેટ સોનાનો ભાવ રૂ. 11,651 છે. 7 સપ્ટેમ્બરની સરખામણીમાં મંગળવારે સોનાના ભાવમાં આંશિક ઘટાડો જોવા મળ્યો છે. સોનામાં અનુક્રમે 24 કેરેટમાં રૂ. 186, 22 કેરેટમાં રૂ. 110 અને 18 કેરેટમાં રૂ. 90નો ઘટાડો નોંધાયો છે. અમદાવાદમાં પણ રિટેલ બજારમાં સોનાનો ભાવ આંશિક ઘટ્યો છે. અમદાવાદમાં 24 કેરેટનો ભાવ રૂ. 65 ઘટીને રૂ. 15407, 22 કેરેટનો ભાવ રૂ. 60 ઘટીને રૂ. 14,124 અને 18 કેરેટનો ભાવ રૂ. 49 ઘટીને રૂ. 11,557 થયો છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16