Qualiance Internationalના શેરનું બજારના કડાકા વચ્ચે 77 ટકા પ્રીમિયમ સાથે બમ્પર લિસ્ટિંગ

IPO Listing: Qualiance Internationalનો શેર લગભગ 750 પોઇન્ટના કડાકા વચ્ચે પણ 77 ટકાથી વધુના પ્રીમિયમ સાથે લિસ્ટ થયો હતો. આમ કંપનીએ બજારમાં મજબૂત પ્રારંભ કર્યો છે. શેરબજાર અને નિફટી ડાઉન હતા તો પણ કંપનીના શેર NSE પર રૂ. 224.90 પ્રતિ શેરના ભાવે લિસ્ટ થયા હતા, જે 77.09 ટકાનું પ્રીમિયમ દર્શાવે છે. કંપનીના રૂ. 45.11 કરોડના આ SME ઇશ્યૂ માટે પ્રતિ શેર રૂ. 120-127 ની પ્રાઇસ બેન્ડ નક્કી કરવામાં આવી હતી.

શેરના લિસ્ટિંગ બાદ કંપનીનું માર્કેટ કેપિટલાઇઝેશન રૂ. 317.60 કરોડ રહ્યું હતું. Qualiance International નું બજારમાં આગમન ગ્રે માર્કેટની અપેક્ષાઓ કરતાં પણ વધુ સારું રહ્યું હતું; ગ્રે માર્કેટમાં 65 ટકા સુધીના લિસ્ટિંગની અપેક્ષા રાખવામાં આવી હતી. 4 સપ્ટેમ્બર, 2026 ના રોજ સબ્સ્ક્રિપ્શન માટે ખુલેલા અને 8 સપ્ટેમ્બર, 2026 ના રોજ બંધ થયેલા આ IPO ને જબરદસ્ત પ્રતિસાદ મળ્યો હતો અને કુલ 459.22 ગણું સબ્સ્ક્રિપ્શન નોંધાયું હતું.

કંપની IPO થી મળેલી ચોખ્ખી આવકનો ઉપયોગ મુખ્યત્વે તમિલનાડુના તિરુપુર ખાતે નવી ઉત્પાદન સુવિધા સ્થાપવા માટેના મૂડી ખર્ચને પહોંચી વળવા માટે કરવાની યોજના ધરાવે છે. કંપનીએ આ પ્રસ્તાવિત સુવિધા માટે અંદાજે રૂ. 38 કરોડ ફાળવ્યા છે. ચોખ્ખી આવકમાંથી બાકી રહેલી રકમનો ઉપયોગ લાગુ પડતા કાયદા અને નિયમો અનુસાર સામાન્ય કોર્પોરેટ હેતુઓ માટે કરવામાં આવશે.

ઓગસ્ટ 2006 માં સ્થપાયેલી Qualiance International Limited આંતરરાષ્ટ્રીય બજારોમાં સંસ્થાકીય, સરકારી અને બ્રાન્ડ ગ્રાહકો માટે પર્ફોર્મન્સ અને ટેકનિકલ વસ્ત્રોની ડિઝાઇન, એન્જિનિયરિંગ, ઉત્પાદન અને નિકાસના વ્યવસાયમાં સક્રિય છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16