શેરબજારમાં 400 પોઇન્ટનો ઘટાડો, પરંતુ ડિફેન્સ શેરો ચમક્યા
શેરબજારમાં સળંગ બીજા દિવસે પણ ઘટાડો જારી રહ્યો હતો, પણ બજારના આ ઘટાડા વચ્ચે પણ ડિફેન્સ શેરો ચમક્યા હતા
desk@kuberanowPublished On : 8 Sept 2026
મુંબઈઃ શેરબજારમાં સળંગ બીજા દિવસે ઘટાડો જળવાઈ રહ્યો હતો. બજાર 400 પોઇન્ટથી પણ વધુ ડાઉન હતુ. ગઈકાલે 76,132.91 પોઇન્ટ પર બંધ બીએસઈ સેન્સેક્સ 75,970.28 પોઇન્ટ પર ખૂલ્યો હતો અને તેણે 76,012.11 પોઇન્ટની ટોચ બનાવી હતી. તેના પછી 75,697.02નું તળિયું બનાવ્યું હતું. હાલમાં સેન્સેક્સ 75,780ની આસપાસ ચાલી રહ્યો છે. તે લગભગ 350 પોઇન્ટ ડાઉન છે.
નિફ્ટી ઘટાડે ખૂલ્યો
આ જ રીતે ગઇકાલે 23,779.15 પોઇન્ટ પર બંધ આવેલો એનએસઇનો નિફ્ટી 23,734.10 પોઇન્ટ પર ખૂલ્યો હતો. તેણે 23,758.95નો હાઈ બનાવ્યો હતો અને 23,657.15 પોઇન્ટનું તળિયું બનાવ્યું હતું. હાલમાં નિફ્ટી 23,690ની આસપાસ ચાલી રહ્યો છે. આમ નિફ્ટી 100 પોઇન્ટ જેટલો ડાઉન છે. જ્યારે નિફ્ટીના કુલ 50માંથી 17 જ શેર વધેલા છે, બાકીના 33 શેર ડાઉન છે.
મધ્યપૂર્વમાં સ્થિતિ વણસવાની સંભાવના
મધ્યપૂર્વના સંઘર્ષનો વ્યાપ વધવાની સંભાવના અને ક્રૂડ ઓઇલના ઊંચા ભાવના લીધે બજારનું સેન્ટિમેન્ટ ખરડાયું છે. ઇરાને ધમકી આપી છે કે તહેરાન પર વધુ કોઈ નવો હુમલો થયો તો અમેરિકાના સ્થળો પર તે વળતા હુમલા કરશે. તેણે જણાવ્યું હતું કે અખાતમાં આવેલી અમેરિકાની ઓઇલ-ગેસ એસેટ્સ તેના નિશાન પર છે. બ્રેન્ટ ક્રૂડનો ભાવ પ્રતિ બેરલ 97 ડોલરની સપાટી વટાવી ગયો છે. ભારતને તેના કારણે મોટો ફટકો પડે તેવી સંભાવના છે, કારણ કે ભારત ક્રૂડ ઓઇલની જરૂરિયાતના 85 ટકાની આયાત કરે છે.
આઇટી સેક્ટરના શેરોમાં તીવ્ર ઘટાડો
આઇટી સેક્ટરના શેરોમાં તીવ્ર ઘટાડો નોંધાવ્યો હતો. જ્યારે સરકારે 1.10 લાખ કરોડની શસ્ત્ર ખરીદીને મંજૂરી આપતા ડિફેન્સ સેક્ટરના શેરોમાં વધારો થયો હતો. બ્રોડર માર્કેટ ઇન્ડાઇસીસમાં જોઈએ તો મિડકેપ ઇન્ડાઇસીસ 0.1થી 0.2 ટકા ડાઉન હતા. જ્યારે સ્મોલ કેપ ઇન્ડાઇસીસ 0.1 ટકા ડાઉન હતો. નિફ્ટી રિયલ્ટી અંડર પર્ફોર્મર હતો.જ્યારે નિફ્ટી આઇટી 0.7 ટકા ડાઉન હતો. તેનાથી વિપરીત નિફ્ટી મેટલ 0.4 ટકા વધ્યો હતો. જ્યારે નિફ્ટી ઇન્ડિયા ડિફેન્સ એક ટકાથી વધુ વધ્યો હતો.
ડિફેન્સના શેરોમાં તેજી
ડિફેન્સ સેક્ટરના જોઈએ તો ડેટા પેટર્ન (ઇન્ડિયા), બીઇએમએલ, એક્સિસકેડ્સ ટેકનોલોજીસ, પારસ ડિફેન્સ અને સ્પેસ ટેકનોલોજીસ તથા હિંદુસ્તાન એરોનોટિક્સમાં ત્રણથી ચાર ટકાનો વધારો થયો છે. નિફ્ટી 200 અને નિફ્ટી 500 ઇન્ડાઇસીસમાં જીઇ વર્નોવા ટી એન્ડ ડીમાં છ ટકાનો વધારો થયો છે. જ્યારે ન્યુ ઇન્ડિયા એસ્યોરન્સ લગભગ 9 ટકા જેટલો ઘટ્યો છે.
નિફ્ટી હાલમાં મૂવિંગ એવરેજીસથી નીચેથી ચાલી રહ્યો છે. તેની તાત્કાલિક ટેકારૂપ સપાટી 23,650થી 23,700 છે. જ્યારે પ્રતિકારક સપાટી 23,950થી 24,000 છે. જો નિફ્ટીએ બાઉન્સ બેક કરવું હોય તો આ ટેકારૂપ સપાટી જાળવી રાખવી પડશે.
અમારી WhatsApp ચેનલમાં જોડાવા નીચે આપેલી લિંક પર ક્લિક કરો
Disclaimer - અહીં આપવામાં આવેલી માહિતી માત્ર જાણકારી અને શૈક્ષણિક હેતુ માટે છે. તેને કોઈપણ શેર, સિક્યોરિટી અથવા નાણાકીય પ્રોડક્ટ ખરીદવા કે વેચવાની સલાહ અથવા ભલામણ તરીકે ન ગણવી. રોકાણ બજારના જોખમોને આધીન છે. કોઈપણ રોકાણ અથવા નાણાકીય નિર્ણય લેતા પહેલાં તમારી નાણાકીય સ્થિતિ, રોકાણના હેતુ અને જોખમ લેવાની ક્ષમતાનું મૂલ્યાંકન કરો અને અધિકૃત નાણાકીય સલાહકારની સલાહ લો.
Share Link
Also Read
રિઝર્વ બેન્કે રેપો રેટ વધારતા બજારમાં 429 પોઇન્ટ ખાબક્યુ, નિફ્ટી 22,600ની નજીક
રિઝર્વ બેન્કે રેપો રેટ વધારતા અને ક્રૂડ ઓઇલ વધતા બજાર 500 પોઇન્ટ ખાબક્યું
ડેટા સેન્ટર્સને કારણે રિયલ એસ્ટેટ માર્કેટમાં તેજી
Opening Bell: માર્કેટ ખુલતાં જ સેન્સેક્સ 400થી વધુ પોઈન્ટ તૂટ્યો
Vans Electroengineerings Listing: 90% પ્રીમિયમ બાદ શેરમાં 5%ની અપર સર્કિટ
Asian Markets: મોંઘા ક્રૂડે બગાડી બાજી! $101 ક્રૂડ અને બોન્ડ યીલ્ડથી રોકાઈ તેજી
Global Cues : GIFT Niftyથી Wall Street સુધી ક્યાં જોવા મળી રહી છે તેજી
