L&Tને મિડિલ ઈસ્ટમાં ₹5,000 કરોડથી વધુના 3 બેટરી ઊર્જા સંગ્રહ પ્રોજેક્ટ મળ્યા

ઇન્ફ્રાસ્ટ્રક્ચર કંપની Larsen & Toubroને પશ્ચિમ એશિયામાં ત્રણ મોટા બેટરી ઊર્જા સંગ્રહ પ્રોજેક્ટ મળ્યા છે. કંપનીના જણાવ્યા મુજબ આ ઓર્ડરની કિંમત ₹5,000 કરોડથી ₹10,000 કરોડની શ્રેણીમાં આવે છે. ત્રણેય પ્રોજેક્ટ મળીને 6 GWh વીજળી સંગ્રહ ક્ષમતા ઊભી કરશે, જે નવીનીકરણીય ઊર્જાનો વધુ અસરકારક ઉપયોગ કરવામાં મદદ કરશે.

BESS શું કામ કરે છે?

BESS એટલે Battery Energy Storage System. સરળ ભાષામાં કહીએ તો જ્યારે સોલાર અથવા પવન ઊર્જાથી વધુ વીજળી બને ત્યારે તેને બેટરીમાં સંગ્રહ કરી શકાય છે અને માંગ વધે ત્યારે તેનો ઉપયોગ કરી શકાય છે. જેનાથી વીજળીની માંગ અને પુરવઠા વચ્ચે સંતુલન જાળવવામાં મદદ મળે છે.

ત્રણેય પ્રોજેક્ટમાં શું કામ થશે?

દરેક પ્રોજેક્ટમાં ચાર કલાકની બેટરી સંગ્રહ વ્યવસ્થા હશે. તે ઉપરાંત વીજળી ગ્રીડ સાથે જોડાણ, સબસ્ટેશન અને ભૂગર્ભ કેબલનું કામ પણ L&Tના કાર્યક્ષેત્રમાં સામેલ છે.

આધુનિક ઠંડક ટેક્નોલોજીનો ઉપયોગ

આ બેટરી સંગ્રહ પ્રણાલીમાં liquid cooling technologyનો ઉપયોગ કરવામાં આવશે. કંપનીના જણાવ્યા મુજબ તે વધુ ઊર્જા ક્ષમતા, સુરક્ષા અને બેટરીની લાંબી કાર્યક્ષમતામાં મદદ કરશે.

₹15,000 કરોડથી વધુનો બીજો મોટો ઓર્ડર

L&Tએ પશ્ચિમ એશિયામાં જ એક ગ્રાહક માટે ગેસ કોમ્પ્રેશન સુવિધા અને સંબંધિત ઇન્ફ્રાસ્ટ્રક્ચર બનાવવા માટે ₹15,000 કરોડથી વધુનો અલગ મોટો કરાર પણ કર્યો છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16