મોંઘા ક્રૂડ અને ATFનો માર: ઈન્ડિગોના ફ્યુઅલ સરચાર્જ વધારાથી એર ટિકિટના ભાવમાં ઉછાળો

દિવાળી અને છઠ પહેલાં હવાઈ મુસાફરી કરવાનું આયોજન કરી રહેલા મુસાફરો માટે મહત્વના સમાચાર છે. IndiGoએ 6 ઓક્ટોબર 2026થી Fuel Surcharge વધારવાનો નિર્ણય લીધો છે. આ નિર્ણય Aviation Turbine Fuel એટલે કે ATFના વધતા ભાવને ધ્યાનમાં રાખીને લેવામાં આવ્યો છે.

ઘરેલુ ફ્લાઇટ્સમાં ₹100થી ₹350 સુધી વધારો

IndiGoએ ઘરેલુ ફ્લાઇટ્સ માટે Fuel Surchargeમાં ₹100થી ₹350 સુધીનો વધારો કર્યો છે. મુસાફરીના અંતરના આધારે અલગ-અલગ રૂટ પર અલગ ચાર્જ લાગશે. એટલે કે ટૂંકા અને લાંબા અંતરની ફ્લાઇટ માટે સરચાર્જ એકસરખો નહીં હોય.

આંતરરાષ્ટ્રીય ફ્લાઇટ્સ પણ મોંઘી થશે

માત્ર ઘરેલુ જ નહીં, પરંતુ આંતરરાષ્ટ્રીય ફ્લાઇટ્સ માટે પણ Fuel Surchargeમાં ફેરફાર કરવામાં આવ્યો છે. વિદેશી રૂટ પર કેટલો વધારો થશે તે રૂટ અને મુસાફરીના અંતર પર આધારિત રહેશે.

ATF મોંઘું થતાં કેમ વધી રહ્યું છે ભાડું?

એરલાઇનના કુલ ઓપરેટિંગ ખર્ચમાં એરક્રાફ્ટ ફ્યુઅલનો મોટો હિસ્સો હોય છે. ATFના ભાવ વધવાથી ફ્લાઇટ ઓપરેટ કરવાનો ખર્ચ પણ વધે છે. IndiGoના જણાવ્યા મુજબ તાજેતરમાં ATFના ભાવમાં મહિના-દર-મહિને 14%થી વધુનો વધારો થયો છે. ATFના ભાવ લગભગ એક દાયકાના ઊંચા સ્તરે પહોંચ્યા હોવાથી એરલાઇન્સ પર ખર્ચનું દબાણ વધ્યું છે. આ વધેલા ખર્ચને પહોંચી વળવા IndiGoએ Fuel Surchargeમાં વધારો કર્યો છે.

મુસાફરો પર શું અસર થશે?

6 ઓક્ટોબરથી નવી ટિકિટ બુક કરાવનારા મુસાફરોને વધેલા Fuel Surchargeને કારણે વધુ ચૂકવણી કરવી પડી શકે છે. ખાસ કરીને દિવાળી અને છઠ દરમિયાન મુસાફરીની માંગ વધતી હોવાથી મુસાફરો માટે ટિકિટનો કુલ ખર્ચ વધુ થઈ શકે છે.

આ પણ વાંચો : અમદાવાદ એરપોર્ટ બન્યું હાઈ-ગ્રોથ એવિએશન હબ, મુસાફરોનો આંકડો 89 લાખને પાર

આ પણ જુઓ :

Watch onYouTube