80% બેટરી અને 20% પેટ્રોલ પર ચાલતી કાર લાવશે Renault! જાણો શું હશે કિંમત?

SUV સેગમેન્ટમાં પોતાની ઓળખ બનાવી ચૂકેલી Renault હવે Dusterનું નવું હાઈબ્રિડ વર્ઝન લાવવાની તૈયારીમાં છે. કંપની નવી Duster Strong Hybridને 17 ઓક્ટોબરે ભારતીય બજારમાં લોન્ચ કરી શકે છે. આ નવી SUVમાં પેટ્રોલ એન્જિન સાથે Hybrid ટેક્નોલોજી આપવામાં આવશે, જેનો ઉદ્દેશ વધુ સારી ફ્યુઅલ એફિશિયન્સી આપવાનો છે.

160hpના Hybrid પાવરટ્રેન સાથે આવશે નવી Duster

નવી Renault Duster Hybridમાં 1,789ccનું નેચરલી એસ્પિરેટેડ 4-સિલિન્ડર પેટ્રોલ એન્જિન મળવાની શક્યતા છે. આ સાથે બે ઇલેક્ટ્રિક મોટર આપવામાં આવશે. આ સિસ્ટમમાં એક 20hpની મોટર જનરેટર તરીકે કામ કરશે, જ્યારે બીજી 49hpની ઇલેક્ટ્રિક મોટર કારના વ્હીલ્સને પાવર આપશે. સમગ્ર Hybrid સિસ્ટમનું કુલ આઉટપુટ 160hp અને 172Nm ટોર્ક હશે. આ Hybrid સિસ્ટમને 1.4kWh બેટરી પેકથી પાવર મળશે.

Toyota Hybrid ટેક્નોલોજીથી અલગ રહેશે સિસ્ટમ

Renault Dusterમાં આપવામાં આવતી E-Tech Hybrid ટેક્નોલોજી Toyota Hyryder, Grand Vitara અને Victorisમાં ઉપયોગ થતી Hybrid સિસ્ટમથી અલગ હશે. Renaultની સિસ્ટમમાં પેટ્રોલ એન્જિન અને ઇલેક્ટ્રિક મોટરની પાવરને મલ્ટી-મોડ ઓટોમેટિક ગિયરબોક્સ દ્વારા વ્હીલ્સ સુધી પહોંચાડવામાં આવશે. જ્યારે Toyotaના Strong Hybrid સિસ્ટમમાં e-CVT અને પાવર-સ્પ્લિટ ડિવાઇસનો ઉપયોગ થાય છે. Renaultની સિસ્ટમમાં ફિક્સ્ડ ગિયર રેશિયો હોવાથી ડ્રાઇવિંગ અનુભવ પરંપરાગત ઓટોમેટિક કાર જેવો રહી શકે છે.

આ પણ વાંચો: IPOમાં રોકાણકારોએ નહીં... આ લોકોએ કમાયા કરોડો! જાણો કોણ છે અસલી વિજેતા

શહેરમાં 80% સફર EV મોડમાં થવાનો દાવો

Renaultનો દાવો છે કે નવી Duster Hybridમાં શહેરની લગભગ 80% ડ્રાઇવિંગ EV મોડમાં થઈ શકે છે. ઓછી સ્પીડ પર ઇલેક્ટ્રિક મોટરનો ઉપયોગ, રિજનરેટિવ બ્રેકિંગ અને જરૂર ન હોય ત્યારે પેટ્રોલ એન્જિન બંધ રહેવાની ટેક્નોલોજીથી ફ્યુઅલ એફિશિયન્સી સુધારવામાં મદદ મળી શકે છે. જોકે, વાસ્તવિક માઇલેજ ટ્રાફિક, સ્પીડ, હવામાન અને ડ્રાઇવિંગ સ્ટાઇલ જેવા પરિબળો પર આધારિત રહેશે.

આ SUV સાથે થશે મુકાબલો

નવી Strong Hybrid Dusterથી Renaultને ડીઝલ એન્જિનના વિકલ્પની કમી પૂરી કરવામાં મદદ મળી શકે છે. ભારતીય મિડ-સાઇઝ SUV સેગમેન્ટમાં તેનો મુકાબલો મારૂતિ ગ્રાન્ડ વિટારા, મારૂતિ વિક્ટોરિસ અને ટોયોટા હાઈરાઈડરના સ્ટ્રોંગ હાઈબ્રિડ મોડલ્સ સાથે થશે. 17 ઓક્ટોબરના લોન્ચ બાદ કારની કિંમત અને વેરિઅન્ટ્સ અંગે સંપૂર્ણ માહિતી સામે આવશે.

આ પણ જુઓ

Watch onYouTube