RBI New Rules: 1 ઓક્ટોબરથી બદલાશે Bulk Depositના નિયમો

મોટી રકમ બેંકમાં જમા કરાવતા ગ્રાહકો માટે 1 ઓક્ટોબર 2026થી નિયમોમાં મહત્વપૂર્ણ ફેરફાર થવાનો છે. RBIના નવા Bulk Deposit નિયમો હેઠળ બેંકોને લાગુ વ્યાજદર અંગે વધુ પારદર્શિતા રાખવી પડશે. હવે ગ્રાહકોને બેંક કયા દરે Bulk Deposit સ્વીકારી રહી છે તેની માહિતી પહેલેથી મળી શકશે.

વેબસાઇટ પર રોજ જાહેર કરવો પડશે વ્યાજદર

નવા નિયમો હેઠળ બેંકોને પોતાની વેબસાઇટ પર ડિપોઝિટ પર લાગુ વ્યાજદરની માહિતી પહેલેથી પ્રકાશિત કરવી પડશે. Bulk Deposit માટે દર કારોબારી દિવસે સવારે 10 વાગ્યે લાગુ પડતો વ્યાજદર જાહેર કરવાનો રહેશે. RBIએ બેંકોને 10 મિનિટની છૂટ આપી છે. એટલે કે બેંકે સવારે 10:10 વાગ્યા સુધીમાં તે દિવસનો લાગુ Bulk Deposit વ્યાજદર પોતાની વેબસાઇટ પર જાહેર કરવો પડશે. ગ્રાહકને આપવામાં આવતો વ્યાજદર વેબસાઇટ પર પ્રકાશિત કરાયેલા દર સાથે સુસંગત હોવો જરૂરી રહેશે. એટલે કે વેબસાઇટ પર એક દર દર્શાવીને ગ્રાહકને બીજા દરે Bulk Deposit સ્વીકારી શકાશે નહીં.

સમાન ડિપોઝિટ માટે અલગ વ્યાજદર નહીં

RBIએ સ્પષ્ટ કર્યું છે કે સમાન પરિસ્થિતિમાં ડિપોઝિટના વ્યાજદરને લઈને ભેદભાવ કરી શકાશે નહીં. એક જ તારીખે સ્વીકારવામાં આવેલી સમાન રકમ અને સમાન શરતોવાળી ડિપોઝિટ માટે બેંક અલગ-અલગ ગ્રાહકો અથવા પોતાની અલગ શાખાઓના આધારે અલગ વ્યાજદર રાખી શકશે નહીં. આથી સમાન રકમ અને સમાન શરતો ધરાવતા Bulk Deposit માટે વ્યાજદરની એકરૂપતા જાળવવી પડશે.

₹3 કરોડથી ઓછી ડિપોઝિટ પર શું નિયમ રહેશે?

નવા નિયમો હેઠળ બેંકોને કેટલાક પાત્ર Bulk Depositની કિંમત નક્કી કરવામાં વધુ લવચીકતા આપવામાં આવી છે. બેંકો અલગ-અલગ પ્રકારના જમાકર્તાઓ માટે લાગુ Liquidity Coverage Ratio એટલે કે LCR Run-off Rateના આધારે વ્યાજદર નક્કી કરી શકે છે. જ્યાં લાગુ પડે ત્યાં આ સુવિધા પાત્ર Non-Resident Rupee Deposit માટે પણ ઉપલબ્ધ રહેશે. જોકે, ₹3 કરોડથી ઓછી રકમની ડિપોઝિટ માટે બેંકો LCRના આધારે અલગ-અલગ વ્યાજદર નક્કી કરી શકશે નહીં. RBI અનુસાર, નાની રકમની ડિપોઝિટ માટે આવી સુવિધાથી વ્યાજદર નક્કી કરવાની પ્રક્રિયા વધુ જટિલ બની શકે છે.

જમાકર્તાઓ માટે શું બદલાશે?

જમાકર્તાઓ માટે સૌથી મોટો ફેરફાર Bulk Depositના વ્યાજદરની પારદર્શિતામાં થશે. હવે બેંકોને લાગુ દર પોતાની વેબસાઇટ પર સમયસર જાહેર કરવા પડશે અને ગ્રાહકને આપવામાં આવતો દર પ્રકાશિત દર સાથે મેળ ખાતો હોવો જરૂરી રહેશે. આથી મોટી રકમની ડિપોઝિટ કરનારા ગ્રાહકોને બેંકનો લાગુ વ્યાજદર અગાઉથી જાણવા અને ડિપોઝિટ સંબંધિત નિર્ણય લેવામાં વધુ સ્પષ્ટતા મળશે.

આ પણ વાંચો : TRAIના નવા નિયમોથી Jio, Airtel અને Vi યુઝર્સને મળશે રાહત

આ પણ જુઓ :

Watch onYouTube