કાર્બન ઘટાડામાં ગુજરાતનો રેકોર્ડ, 49.79 મિલિયન ટન કાર્બન ઉત્સર્જન ઘટાડ્યું

ગુજરાતમાં renewable energyના વિસ્તરણને કારણે નાણાકીય વર્ષ 2025-26 દરમિયાન 49.79 મિલિયન ટન કાર્બન ઉત્સર્જનમાં ઘટાડો નોંધાયો છે. આ જ સમયગાળામાં રાજ્યમાં 67,655 મિલિયન યુનિટ ગ્રીન વીજળીનું ઉત્પાદન થયું છે. રાજ્ય સરકારના આંકડા મુજબ છેલ્લા પાંચ વર્ષમાં કુલ 179 મિલિયન ટન કાર્બન ઉત્સર્જન ઘટાડવામાં આવ્યું છે.

રાજ્યમાં Renewable Energy ક્ષમતા 52 GW

ગુજરાત ઊર્જા વિકાસ નિગમ લિમિટેડના જણાવ્યા મુજબ રાજ્યમાં હાલ આશરે 52 GW renewable energy ક્ષમતા છે.સોલાર અને વિન્ડ એનર્જીના સતત વિસ્તરણ સાથે ગુજરાતે 2030 સુધી renewable energy ક્ષમતા 100 GW સુધી પહોંચાડવાનો લક્ષ્યાંક નક્કી કર્યો છે.

Rooftop Solar અને Solar Pump પર ભાર

રાજ્યમાં ઘરેલુ છત પરના સોલર પેનલ્સ વધારવા PM Surya Ghar Muft Bijli Yojana અને ખેડૂતો માટે સોલર પંપને પ્રોત્સાહન આપતી PM-KUSUM યોજના અમલમાં છે.આ યોજનાઓ દ્વારા પરંપરાગત વીજળી પરની નિર્ભરતા ઘટાડવા સાથે ગ્રાહકો અને ખેડૂતોના વીજળી ખર્ચમાં ઘટાડો કરવાનો પ્રયાસ કરવામાં આવી રહ્યો છે.

Green Hydrogen સહિતના ક્ષેત્રોમાં પણ કામગીરી

Renewable energy સાથે રાજ્ય ગ્રીન હાઇડ્રોજન અને અન્ય clean energy ક્ષેત્રોમાં પણ ક્ષમતા વધારવા પર ધ્યાન આપી રહ્યું છે. GUVNL, ગુજરાત ઊર્જા વિકાસ એજન્સી અને ગુજરાત પાવર કોર્પોરેશન જેવી સંસ્થાઓ દ્વારા વિવિધ clean energy projects અને નીતિઓના અમલ પર કામ કરવામાં આવી રહ્યું છે.

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16