બેંક હડતાળ વચ્ચે સરકારી કર્મચારીઓને રાહત, 25 સપ્ટેમ્બરે જ મળી જશે સપ્ટેમ્બરનો પગાર અને પેન્શન

કેન્દ્ર સરકારે સપ્ટેમ્બર મહિનાના પગાર અને પેન્શનની ચુકવણી વહેલી કરવાનો નિર્ણય લીધો છે. નાણાં મંત્રાલયના Department of Expenditure હેઠળના Controller General of Accounts (CGA) દ્વારા જાહેર કરાયેલા Office Memorandum મુજબ, ત્રણ દિવસની રાષ્ટ્રીય બેંક હડતાળને ધ્યાનમાં રાખીને આ વ્યવસ્થા કરવામાં આવી છે.

બેંક હડતાળ પહેલાં થશે પગાર અને પેન્શનની ચુકવણી

28 સપ્ટેમ્બરથી 30 સપ્ટેમ્બર 2026 દરમિયાન પ્રસ્તાવિત દેશવ્યાપી બેંક હડતાળને કારણે બેંકિંગ વ્યવહારોમાં વિક્ષેપની શક્યતા છે. આ સ્થિતિને ધ્યાનમાં રાખીને કેન્દ્ર સરકારે સપ્ટેમ્બર મહિનાનો પગાર, વેતન અને પેન્શન 25 સપ્ટેમ્બર 2026 (શુક્રવાર)ના રોજ ચૂકવવાની મંજૂરી આપી છે. આ નિર્ણયમાં કેન્દ્ર સરકારના તમામ કર્મચારીઓ ઉપરાંત Defence, Posts અને Telecommunications વિભાગના કર્મચારીઓ તથા પેન્શનધારકોનો સમાવેશ થાય છે.

Advance Payment તરીકે ગણાશે

સરકાર દ્વારા જણાવાયું છે કે 25 સપ્ટેમ્બરે કરવામાં આવતી આ ચુકવણી Advance Payment તરીકે ગણાશે. ત્યારબાદ કર્મચારી અથવા પેન્શનધારકની સંપૂર્ણ મહિનાની ચુકવણીની ગણતરી થયા બાદ જરૂરી Adjustment કરવામાં આવશે. જો કોઈ તફાવત રહેશે તો તે ઓક્ટોબર 2026ના પગાર અથવા વેતનમાં કાપી લેવામાં આવશે.

આ પણ વાંચો: ઓનલાઈન ફૂડ માર્કેટ પર FSSAIની કડક નજર, Amazon-Zepto સહિત મોટી કંપનીઓ સામે કાર્યવાહી

અન્ય બેંકિંગ વ્યવહારો પણ વહેલા પૂર્ણ કરવાની સલાહ

મંત્રાલયે સંબંધિત વિભાગોને સૂચના આપી છે કે સપ્ટેમ્બર મહિનાના અંતિમ દિવસોમાં થનારા અન્ય જરૂરી પેમેન્ટ અને બેંકિંગ વ્યવહારો શક્ય હોય તો અગાઉથી પૂર્ણ કરવામાં આવે જેથી હડતાળ દરમિયાન કોઈ મુશ્કેલી ઊભી ન થાય. RBIને પણ તમામ સંબંધિત બેંકોની પેઇંગ બ્રાન્ચને આ સૂચનાઓ પહોંચાડવા માટે કહેવામાં આવ્યું છે.

આ પણ જુઓ

Watch onYouTube