M3M Hurun Rich List 2026: ગૌતમ અદાણી ફરી બન્યા ભારતના સૌથી અમીર વ્યક્તિ, અંબાણી બીજા ક્રમે

ભારતના સૌથી ધનિક લોકોની યાદીમાં મોટો ફેરફાર જોવા મળ્યો છે. M3M Hurun India Rich List 2026 મુજબ ગૌતમ અદાણી પરિવારે ફરીથી ટોચનું સ્થાન મેળવ્યું છે અને મુકેશ અંબાણી પરિવાર બીજા ક્રમે પહોંચ્યો છે.

અદાણી પરિવારની સંપત્તિ ₹9.23 લાખ કરોડ

Hurun India Rich List 2026 અનુસાર ગૌતમ અદાણી અને પરિવારની કુલ સંપત્તિ ₹9.23 લાખ કરોડ ($96 બિલિયન) નોંધાઈ છે. છેલ્લા એક વર્ષમાં તેમની સંપત્તિમાં 13%નો વધારો થયો છે. બીજી તરફ મુકેશ અંબાણી અને પરિવારની સંપત્તિ ₹8.63 લાખ કરોડ ($90 બિલિયન) રહી છે. અંબાણી પરિવાર આ યાદીમાં બીજા સ્થાને છે.

ભારતમાં હવે 391 અબજોપતિ

રિપોર્ટ મુજબ ભારતમાં હવે 391 અબજોપતિ છે. એટલે કે દેશમાં 391 એવા વ્યક્તિઓ અથવા પરિવારો છે, જેમની કુલ સંપત્તિ $1 બિલિયન (લગભગ ₹8,000 કરોડથી વધુ) છે. આ અબજોપતિઓ દેશના 106થી વધુ શહેરોમાં ફેલાયેલા છે. આ વર્ષે Hurun Rich Listમાં 76 નવા અબજોપતિ ઉમેરાયા છે, જે ભારતમાં વધી રહેલી સંપત્તિ સર્જનને દર્શાવે છે.

મુંબઈ સૌથી આગળ, અમદાવાદના બે ઉદ્યોગપતિ ટોપ-10માં છે. શહેરોની વાત કરીએ તો મુંબઈ 465 અમીર લોકો સાથે પ્રથમ સ્થાને છે. ત્યારબાદ નવી દિલ્હી 236 અને બેંગલુરુ 129 સાથે આગળ છે.

ટોપ-10માં ત્રણ ગુજરાતી ઉદ્યોગપતિ

ગૌતમ અદાણી અને પરિવાર- Adani Group- ₹9.23 લાખ કરોડ

મુકેશ અંબાણી અને પરિવાર – Reliance Industries – ₹8.63 લાખ કરોડ

સમીર મહેતા અને પરિવાર- Torrent Pharmaceuticals-₹1.89 લાખ કરોડ

AI સેક્ટર પહેલીવાર Rich Listમાં સામેલ

2026ની Hurun Rich Listમાં Artificial Intelligence (AI) સેક્ટરને પ્રથમ વખત અલગ કેટેગરી તરીકે સામેલ કરવામાં આવ્યું છે. AI ક્ષેત્રમાંથી 19 લોકો યાદીમાં સામેલ થયા છે, જેમની સંયુક્ત સંપત્તિ ₹3.07 લાખ કરોડ નોંધાઈ છે.

આ પણ જુઓ

Watch onYouTube