મોટા શહેરોમાં ઘર વેચાણમાં ઘટાડો, મુંબઈ-પુણે-ચેન્નઈમાં ડિમાન્ડ પર અસર

ભારતના રિયલ એસ્ટેટ માર્કેટમાં જુલાઈથી સપ્ટેમ્બર ક્વાર્ટર દરમિયાન ઘર ખરીદીની ગતિમાં થોડો ઘટાડો જોવા મળ્યો છે. PropEquityના રિપોર્ટ મુજબ દેશના નવ મોટા શહેરોમાં રહેણાંક મિલકતોનું વેચાણ વાર્ષિક ધોરણે 6 ટકા ઘટ્યું છે. આ સમયગાળા દરમિયાન ઘર વેચાણ 1,09,420 યુનિટથી ઘટીને 1,03,170 યુનિટ થયું છે. સાથે જ નવી હાઉસિંગ સપ્લાય પણ 1,00,330 યુનિટથી ઘટીને 98,165 યુનિટ રહી છે.

મુંબઈ અને થાણેમાં વેચાણ ઘટ્યું

રિપોર્ટ મુજબ મુંબઈમાં રહેણાંક મિલકતોના વેચાણમાં 8 ટકાનો ઘટાડો નોંધાયો છે. મુંબઈમાં જુલાઈ-સપ્ટેમ્બર દરમિયાન 9,830 યુનિટનું વેચાણ થયું હતું, જે એક વર્ષ અગાઉ 10,690 યુનિટ હતું. મુંબઈ મેટ્રોપોલિટન રિજનના થાણેમાં પણ વેચાણ 11 ટકા ઘટીને 16,230 યુનિટ રહ્યું છે. જોકે નવી મુંબઈમાં વિપરીત ટ્રેન્ડ જોવા મળ્યો હતો અને ત્યાં વેચાણ 12 ટકા વધીને 9,810 યુનિટ થયું છે.

પુણે, ચેન્નઈ અને કોલકાતામાં પણ ઘટાડો

પુણેના હાઉસિંગ માર્કેટમાં સૌથી મોટો ઘટાડો જોવા મળ્યો છે. અહીં વેચાણ 16 ટકા ઘટીને 17,860 યુનિટ થયું છે. ચેન્નઈમાં રહેણાંક વેચાણ 17 ટકા ઘટીને 4,680 યુનિટ રહ્યું છે, જ્યારે કોલકાતામાં પણ 17 ટકાનો ઘટાડો નોંધાયો છે અને વેચાણ 3,860 યુનિટ થયું છે. દિલ્હી-NCRમાં ઘર વેચાણ 12 ટકા ઘટીને 8,090 યુનિટ રહ્યું છે.

બેંગલુરુ અને હૈદરાબાદમાં વધ્યું વેચાણ

કેટલાક શહેરોમાં હાઉસિંગ ડિમાન્ડમાં વધારો પણ જોવા મળ્યો છે. બેંગલુરુમાં ઘર વેચાણ 1 ટકા વધીને 17,340 યુનિટ થયું છે. જ્યારે હૈદરાબાદમાં વેચાણ 11 ટકા વધીને 15,470 યુનિટ રહ્યું છે.

ઘટાડા પાછળ શું કારણ?

નબળી માંગ અને નવી સપ્લાયમાં ઘટાડો ઘર વેચાણમાં ઘટાડાના મુખ્ય કારણોમાં સામેલ છે. રિપોર્ટમાં જણાવાયું છે કે જુલાઈ-સપ્ટેમ્બર ક્વાર્ટર સામાન્ય રીતે ચોમાસાને કારણે રિયલ એસ્ટેટ માટે ધીમું રહે છે. તહેવારોની માંગને કારણે સામાન્ય રીતે ડિસેમ્બર ક્વાર્ટરમાં ઘર વેચાણમાં સુધારો જોવા મળે છે. ડેવલપર્સ તહેવારો દરમિયાન નવી યોજનાઓ અને વિવિધ ઓફર્સ દ્વારા ગ્રાહકોને આકર્ષવાનો પ્રયાસ કરે છે.

આ પણ વાંચો : મુન્દ્રા પોર્ટને મળ્યો દેશના ‘મેગા પોર્ટ’નો સર્વોચ્ચ દરજ્જો

આ પણ જુઓ :

Watch onYouTube