SME IPO ગાજ્યા એટલા વરસ્યા નહિ! 191 લિસ્ટેડ શેરોમાંથી 81 ઇશ્યુ ભાવથી નીચે

SME IPO માર્કેટમાં લિસ્ટિંગ બાદ રોકાણકારોને અપેક્ષા મુજબનું વળતર મળતું ન હોવાની સ્થિતિ સામે આવી છે. આ વર્ષે અત્યાર સુધીમાં લિસ્ટ થયેલા 191 SME શેરોમાંથી 81 શેર તેમના ઇશ્યુ ભાવથી નીચે ટ્રેડ થઈ રહ્યા છે. ખાસ વાત એ છે કે 24 IPOમાં 50% કે તેથી વધુનો ઘટાડો જોવા મળ્યો છે, જે SME IPOમાં વધતા જોખમ તરફ સંકેત આપે છે.

SME IPOના રિટર્નમાં નબળાઈ

BSE SME અને NSE SME પ્લેટફોર્મ પર મોટી સંખ્યામાં SME IPO લિસ્ટ થયા છે. જોકે, આ વર્ષે નોંધાયેલા મોટાભાગના SME IPOના શેર તેમના ઇશ્યુ ભાવથી નીચે ટ્રેડ થઈ રહ્યા છે અને મધ્યમ ગાળામાં પણ નબળું વળતર જોવા મળ્યું છે. વર્ષના પ્રથમ છ મહિનાની સ્થિતિ પણ ઘણી અલગ નહોતી. જાન્યુઆરીથી જૂન દરમિયાન લિસ્ટ થયેલા 76 SME IPOમાંથી 48% IPO તેમના ઓફર પ્રાઇસથી નીચે ટ્રેડ થઈ રહ્યા હતા.

24 IPOમાં 50%થી વધુનો ઘટાડો

લિસ્ટેડ SME શેરોમાં કેટલાકમાં ઘટાડો અત્યંત મોટો રહ્યો છે. કુલ 24 IPOમાં ઇશ્યુ ભાવની સરખામણીમાં 50% કે તેથી વધુનો ઘટાડો જોવા મળ્યો છે. છેલ્લા એક વર્ષ દરમિયાન નિફ્ટી SME ઇન્ડેક્સમાં પણ ઘટાડો જોવા મળ્યો છે. આ સ્થિતિ વચ્ચે SME શેરોના મધ્યમ ગાળાના વળતર પર પણ નકારાત્મક અસર જોવા મળી રહી છે.

ઇશ્યુ પ્રાઇસ અને માર્કેટ પ્રાઇસ વચ્ચેનો તફાવત

રોકાણકારોને આકર્ષવા માટે કેટલીક કંપનીઓ દ્વારા કંપનીના બિઝનેસ, બોનસ અને નફાના રિપોર્ટ અંગે પ્રચાર-પ્રસાર કરવામાં આવતો હોવાનો અહેવાલમાં ઉલ્લેખ છે. જોકે, લિસ્ટિંગ બાદ ઇશ્યુ ભાવથી નીચે જતા શેરો વચ્ચે રોકાણકારોને અલગ સ્થિતિનો સામનો કરવો પડી રહ્યો છે.

ઇશ્યુ ભાવ નક્કી કરવા અને વાસ્તવિક બજાર ભાવ વચ્ચેનો તફાવત પણ ચર્ચાનો વિષય બન્યો છે. બજાર પ્રીમિયમ અંગેના અતિશય દાવાઓથી રોકાણકારોમાં ઊંચી અપેક્ષા ઊભી થઈ શકે છે, જ્યારે લિસ્ટિંગ બાદ શેરમાં ઘટાડો થાય ત્યારે નુકસાનનું જોખમ વધે છે.

આ પણ વાંચો : Stocks In News | 7 October 2026: આજે કયા Top Share ફોકસમાં રહી શકે

આ પણ જુઓ :

Watch onYouTube