RentoMojoના શેરમાં તેજી, લિસ્ટિંગના બીજા દિવસે 9% સુધીનો ઉછાળો

ફર્નિચર અને ઘરગથ્થુ ઉપકરણો ભાડે આપતી કંપની RentoMojoના શેરમાં લિસ્ટિંગ બાદ બીજા દિવસે પણ તેજી જોવા મળી છે. શુક્રવારના શરૂઆતના વેપારમાં શેર 8.93% સુધી વધીને ₹581.95ના ઇન્ટ્રાડે હાઈ પર પહોંચ્યો હતો.

સવારે 9:40 વાગ્યે શેર ₹566.40ના સ્તરે ટ્રેડ થઈ રહ્યો હતો, જે અગાઉના બંધ ભાવથી 5.94%નો વધારો દર્શાવે છે. શેર ₹570ના ભાવે ખુલ્યો હતો.

મજબૂત લિસ્ટિંગ સાથે બજારમાં એન્ટ્રી

RentoMojoના શેરનું 17 સપ્ટેમ્બરે શેરબજારમાં લિસ્ટિંગ થયું હતું. NSE પર શેર ₹482.45ના ભાવે લિસ્ટ થયો હતો, જે IPOની ઈશ્યૂ કિંમત ₹404 કરતાં 19.42% વધુ હતો. BSE પર શેર ₹480ના ભાવે લિસ્ટ થયો હતો, જે ઈશ્યૂ કિંમત કરતાં 18.81% પ્રીમિયમ દર્શાવે છે.

IPOથી ₹1,255 કરોડ એકત્ર કર્યા

RentoMojoના IPO માટે 9 સપ્ટેમ્બરથી 11 સપ્ટેમ્બર સુધી સબ્સ્ક્રિપ્શન ખુલ્લું હતું. કંપનીએ બુક બિલ્ડિંગ ઇશ્યૂ દ્વારા કુલ ₹1,255.57 કરોડ એકત્ર કર્યા હતા. IPOમાં ₹150 કરોડનો ફ્રેશ ઇશ્યૂ અને ₹1,105.57 કરોડનો ઓફર ફોર સેલ સામેલ હતો.

IPOની કિંમત

કંપનીએ IPO માટે શેરની પ્રાઇસ બેન્ડ ₹384 થી ₹404 નક્કી કરી હતી. લિસ્ટિંગ બાદ શેરમાં સતત ખરીદી જોવા મળી રહી છે.

આ પણ વાંચો : ભક્તોની યાત્રા બનશે વધુ સરળ, ચારધામ સુધી પહોંચાડશે નવી રેલવે લાઈન

Watch onYouTube