ભારતમાં સેવા શરૂ કરવા Starlink તૈયાર, અંતિમ મંજૂરીની રાહ

Starlink ભારતમાં સેટેલાઇટ બ્રોડબેન્ડ સેવા શરૂ કરવા માટે તૈયાર છે અને હવે તેને કેન્દ્ર સરકારની અંતિમ મંજૂરીની રાહ છે. SpaceXમાં સ્ટારલિંક બિઝનેસ ઓપરેશન્સના ઉપપ્રમુખ Lauren Dreyerએ ઈન્ડિયા મોબાઈલ કોંગ્રેસ પહેલાં જણાવ્યું કે કંપનીએ ભારતની સુરક્ષા જરૂરિયાતોને ધ્યાનમાં રાખીને પોતાની વ્યવસ્થા ખાસ રીતે તેની મંજૂરી અને ગ્લોબલ મોબાઈલ પર્સનલ કોમ્યુનિકેશન બાય સેટેલાઈટ લાઇસન્સ મળી ચૂક્યું છે. હવે સુરક્ષા મંજૂરી અને વિદેશી સીધા રોકાણ માટેની મંજૂરી મળવાની બાકી છે.

ભારતમાં 20થી વધુ ગેટવે સાઇટ તૈયાર

Dreyerના જણાવ્યા મુજબ, Starlink ભારતમાં પહેલેથી જ રોકાણ કરી ચૂકી છે અને 20થી વધુ ગેટવે સાઇટ કામગીરી માટે તૈયાર છે. આ સાઇટ્સમાં અનેક એન્ટેના સ્થાપિત કરવામાં આવ્યા છે. તેમણે કહ્યું કે સરકારની મંજૂરી મળતાં જ કંપની ભારતમાં સેવા શરૂ કરવા તૈયાર છે.

ભારતીય ગ્રાહકોનો ડેટા ભારતમાં જ રહેશે

Starlinkએ ભારતની સુરક્ષા અને નિયમનકારી જરૂરિયાતોને ધ્યાનમાં રાખીને દરેક સ્તરે નિયંત્રણ વ્યવસ્થા તૈયાર કરી હોવાનું જણાવ્યું છે. કંપનીના જણાવ્યા મુજબ, ભારતીય ગ્રાહકોનો ડેટા ભારતની અંદર જ રાખવામાં આવશે. આ માટે કામગીરી અને સુરક્ષા માટે અલગથી વ્યવસ્થા ઉભી કરવામાં આવી છે.

છેલ્લી માઇલ કનેક્ટિવિટી પર ફોકસ

Starlinkના જણાવ્યા મુજબ, ભારતમાં સસ્તી ડેટા સેવા અને ટેલિકોમ કનેક્ટિવિટીનું મોટું નેટવર્ક પહેલેથી ઊભું થઈ ગયું છે, પરંતુ દૂરના અને અંતિમ વિસ્તારો સુધી કનેક્ટિવિટી પહોંચાડવી હજુ પડકારરૂપ છે. કંપનીનું માનવું છે કે સેટેલાઇટ બ્રોડબેન્ડ આ છેલ્લી માઇલ કનેક્ટિવિટી ઝડપથી વધારવામાં મદદ કરી શકે છે.

આ પણ વાંચો: RBIનો મોટો નિર્ણય: બેન્ક ડિપોઝિટ અને ડીમેટ રોકાણ એક જ સ્ટેટમેન્ટમાં દેખાશે

પાંચ વર્ષથી બજારની તૈયારી

Dreyerએ જણાવ્યું કે Starlink છેલ્લા પાંચ વર્ષથી ઉદ્યોગ, રાજ્ય સરકારો અને અન્ય સંસ્થાઓ સાથે સંબંધ બનાવી ભારતીય બજારને સમજવાનો પ્રયાસ કરી રહી છે. કંપનીનો હેતુ સરકાર અને સ્થાનિક ઓપરેટરો સાથે મળીને દેશમાં વધુ વ્યાપક કનેક્ટિવિટી પહોંચાડવાનો છે.

ISRO સાથે પણ SpaceXનું કામ

Starlinkની પેરેન્ટ કંપની SpaceXએ ભારતીય અવકાશ એજન્સી ISRO સાથે પણ અનેક મિશનમાં કામ કર્યું છે. કંપનીના જણાવ્યા મુજબ, તેણે ભારતીય અવકાશ કંપનીઓ માટે બે સમર્પિત મિશન અને 19 rideshare મિશન પણ હાથ ધર્યા છે. SpaceXએ Group Captain Shubhanshu Shuklaને International Space Station સુધી લઈ જતી અને પરત લાવતી મિશનમાં પણ ભાગ લીધો હતો.

આ પણ જુઓ

Watch onYouTube