Gujarat

ગુજરાતની બેન્કોમાં NRI ડિપોઝિટમાં વૃદ્ધિ, એક વર્ષમાં 13,466 કરોડનો ઉછાળો

ગુજરાતની બેન્કોમાં NRI થાપણમાં સતત વધારો જોવા મળ્યો છે. વર્ષ 2026-27ના પ્રથમ ત્રિમાસિક ગાળામાં NRI થાપણ વધીને ₹1.22 લાખ કરોડથી વધુ પહોંચી છે.

desk@kuberanowPublished On : 17 Sept 2026

bank — ગુજરાતની બેન્કિંગ સિસ્ટમમાં NRI ફંડનો વધારોAI Generated Image

ગુજરાતની બેન્કોમાં બિનનિવાસી ભારતીયો (NRI)ની થાપણમાં નોંધપાત્ર વધારો થયો છે. વર્ષ 2026-27ના પ્રથમ ત્રિમાસિક ગાળામાં રાજ્યની બેન્કોમાં NRI થાપણ ₹1,22,363.74 કરોડ સુધી પહોંચી છે, જે એક વર્ષ અગાઉના ₹1,08,897.99 કરોડની સરખામણીએ ₹13,466 કરોડનો વધારો દર્શાવે છે.

અમદાવાદ NRI થાપણમાં આગળ

જિલ્લાવાર આંકડા મુજબ અમદાવાદ જિલ્લામાં સૌથી વધુ NRI થાપણ નોંધાઈ છે. અમદાવાદની બેન્કોમાં કુલ ₹27,326.02 કરોડની NRI થાપણ છે, જે રાજ્યની કુલ NRI થાપણના આશરે 22.3% જેટલી છે. મદાવાદ બાદ વડોદરા જિલ્લામાં ₹19,447.11 કરોડ અને કચ્છ જિલ્લામાં ₹18,412.65 કરોડની NRI થાપણ નોંધાઈ છે.

કયા જિલ્લાઓમાં વધુ થાપણ?

ગુજરાતના અન્ય મોટા જિલ્લાઓમાં આણંદમાં ₹9,746.58 કરોડ, સુરતમાં ₹9,480.82 કરોડ અને રાજકોટમાં ₹9,368.49 કરોડની NRI થાપણ નોંધાઈ છે. આંકડા સ્ટેટ લેવલ બેન્કર્સ કમિટી (SLBC)ના તાજેતરના અહેવાલના આધારે સામે આવ્યા છે.

NRI થાપણ કેમ મહત્વપૂર્ણ?

NRI દ્વારા મોકલવામાં આવતા નાણાં બેન્કિંગ સિસ્ટમ ઉપરાંત સ્થાનિક રોકાણ અને અર્થતંત્ર સાથે પણ જોડાયેલા હોય છે. બેન્કોમાં વધતી NRI થાપણ રાજ્યના નાણાકીય પ્રવાહ માટે મહત્વપૂર્ણ માનવામાં આવે છે.