India

બાપ્પાને 24 કેરેટ સોનાના વરખવાળા મોદકનો પ્રસાદ, કિંમત જાણી ચોંકી જશો

ગણેશોત્સવ દરમિયાન મુંબઈ અને મહારાષ્ટ્રના બજારોમાં પ્રીમિયમ મોદકની માંગ વધી છે. નાસિકના મીઠાઈ વેપારીએ 24 કેરેટ સોનાના વરખવાળા મોદક તૈયાર કર્યા છે, જેની કિંમત ₹27,000 પ્રતિ કિલો છે. સામાન્યથી લઈને લક્ઝરી મોદક સુધી બજારમાં વિવિધ પ્રકારની વેરાયટી ઉપલબ્ધ છે.

kuberanowPublished On : 17 Sept 2026

મુંબઈ સહિત મહારાષ્ટ્રમાં ગણેશોત્સવની ઉજવણી વચ્ચે બજારમાં પ્રીમિયમ મોદકની માંગ વધી છે. ગણપતિ બાપ્પાના પ્રસાદ માટે લોકો અલગ અલગ પ્રકારના મોદક ખરીદી રહ્યા છે. આ દરમિયાન 24 કેરેટ સોનાના વરખવાળા મોદક ચર્ચાનું કેન્દ્ર બન્યા છે, જેની કિંમત ₹27,000 પ્રતિ કિલો રાખવામાં આવી છે. નાસિકના એક મીઠાઈ વેપારીએ તૈયાર કરેલા આ લક્ઝરી મોદક હાલમાં મહારાષ્ટ્રમાં આકર્ષણનું કેન્દ્ર બન્યા છે. ઊંચી કિંમત હોવા છતાં કેટલાક ગ્રાહકો આ મોદક ખરીદી રહ્યા છે, જ્યારે ઘણા લોકો તેને જોવા માટે પણ દુકાન સુધી પહોંચી રહ્યા છે.

25થી વધુ પ્રકારના મોદક ઉપલબ્ધ

મીઠાઈ વેપારીએ સોનાના વરખવાળા રોયલ મોદક ઉપરાંત અન્ય અનેક પ્રકારના મોદક પણ તૈયાર કર્યા છે. તેમાં મિક્સ ડ્રાયફ્રૂટ મોદક, અંજીર મોદક, કોપરા મોદક, કાજુ મોદક અને ખજૂર મોદકનો સમાવેશ થાય છે. આ ઉપરાંત સ્ટ્રોબેરી, કેસર, મેંગો અને ચોકલેટ જેવા ફ્લેવરના મોદક પણ બજારમાં ઉપલબ્ધ છે.

આ પણ વાંચો: હવે Jioના રિચાર્જ પર Canva પ્રીમિયમ ટૂલ્સ ફ્રી, ક્યાં રિચાર્જથી ગ્રાહકોને મળશે લાભ?

ગણેશોત્સવમાં મોદકનું વધતું વેચાણ

ગણેશોત્સવના 10 દિવસ દરમિયાન મીઠાઈની દુકાનોમાં મોદકનું વેચાણ સૌથી વધુ જોવા મળે છે. બજારમાં સામાન્ય અને પ્રીમિયમ મોદકની કિંમત પ્રતિ કિલો ₹800થી લઈને ₹3,000 સુધી હોય છે. સોનાના વરખવાળા મોદક જેવી લક્ઝરી વેરાયટી તહેવાર દરમિયાન ગ્રાહકોમાં વિશેષ આકર્ષણ ઉભું કરી રહી છે.