કોમર્શિયલ ગેસ બાદ હવે ATF પણ મોંઘુ! ₹137 પ્રતિ લિટર પહોંચ્યું

1 ઓક્ટોબરથી ઇંધણ સંબંધિત કિંમતોમાં મહત્વના ફેરફારો થયા છે. Aviation Turbine Fuel એટલે કે ATFના ભાવમાં 13.22%નો વધારો થતાં તેની કિંમત ₹121.28થી વધીને ₹137 પ્રતિ લિટર થઈ ગઈ છે. ATFના ભાવમાં સતત ત્રીજા મહિને થયેલા આ વધારાની અસર સ્થાનિક એરલાઇન્સના ઓપરેશનલ ખર્ચ પર પડી શકે છે.

ATFના ભાવમાં સતત ત્રીજા મહિને વધારો

1 ઓક્ટોબર 2026થી સ્થાનિક એરલાઇન્સ માટે ATF મોંઘું થયું છે. ATFના ભાવમાં 13.22%નો વધારો કરવામાં આવ્યો છે. આ વધારા બાદ ATFની કિંમત ₹121.28 પ્રતિ લિટરથી વધીને ₹137 પ્રતિ લિટર થઈ છે. એટલે કે પ્રતિ લિટર લગભગ ₹16નો વધારો થયો છે. સતત ત્રીજા મહિને ATFના ભાવમાં વધારો થયો છે અને વધતી કિંમતોથી સ્થાનિક એરલાઇન્સના ખર્ચ પર અસર પડી શકે છે.

Commercial LPG Cylinder પણ મોંઘો થયો

ATF ઉપરાંત 1 ઓક્ટોબરથી 19 કિલોના Commercial LPG Cylinderના ભાવમાં પણ વધારો થયો છે. Oil Marketing Companiesએ તેના ભાવમાં ₹62.50નો વધારો કર્યો છે. આ પહેલાં સપ્ટેમ્બર 2026માં પણ 19 કિલોના Commercial LPG Cylinderના ભાવમાં ₹9.50નો વધારો કરવામાં આવ્યો હતો.

ડીઝલ, ATF અને પેટ્રોલની Export Dutyના નવા દર

સરકારે 30 સપ્ટેમ્બરના નવા આદેશમાં ડીઝલ, ATF અને પેટ્રોલની Export Dutyના નવા દર પણ જાહેર કર્યા છે. આ દરોની સમીક્ષા દર 15 દિવસે આંતરરાષ્ટ્રીય તેલના ભાવના આધારે કરવામાં આવે છે. નવા આદેશ મુજબ ડીઝલના Export પર ₹16 પ્રતિ લિટરની SAED લાગુ રહેશે અને Road & Infrastructure Cess એટલે કે RIC શૂન્ય રાખવામાં આવ્યો છે. ATFના Export પર ₹10.5 પ્રતિ લિટરની Duty લાગશે, જ્યારે પેટ્રોલના Export પર ₹0.5 પ્રતિ લિટરનો અગાઉનો Tax યથાવત્ રાખવામાં આવ્યો છે.

Export Levy શા માટે લાગુ કરવામાં આવી હતી?

આ Export Levy પહેલીવાર 27 માર્ચ 2026ના રોજ લાગુ કરવામાં આવી હતી. આંતરરાષ્ટ્રીય બજારમાં તણાવ અને ક્રૂડ ઓઇલના વધતા ભાવ વચ્ચે કેટલીક ખાનગી અને સરકારી રિફાઇનરીઓ સ્થાનિક વેચાણ કરતાં વિદેશમાં તેલ વેચવામાં વધુ રસ દાખવી રહી હોવાની સ્થિતિમાં આ પગલું લેવામાં આવ્યું હતું. સરકાર આંતરરાષ્ટ્રીય તેલના ભાવને ધ્યાનમાં રાખીને દર 15 દિવસે Export Dutyની સમીક્ષા કરે છે.

આ પણ વાંચો : તહેવારો ટાણે મોંઘવારીનો માર! કોમર્શિયલ સિલિન્ડરના ભાવમાં ₹62.50નો વધારો

આ પણ જુઓ:

Watch onYouTube