NEWS IN BRIEF: Apple Payથી IPO અને મર્જર સુધીના 7 મોટા બિઝનેસ અપડેટ

Axis Bank ગ્રાહકો માટે Apple Payની એન્ટ્રી

એક્સિસ બેન્કે ભારતમાં પોતાના Mastercard અને Visa ક્રેડિટ કાર્ડ ગ્રાહકો માટે Apple Pay શરૂ કર્યું છે. આ સાથે Apple Payની સુવિધા આપનારી એક્સિસ બેન્ક ભારતની પ્રથમ બેન્ક બની છે. ગ્રાહકો iPhone, Apple Watch અને iPadથી સ્ટોર્સ, એપ્સ અને ઓનલાઈન પ્લેટફોર્મ પર પેમેન્ટ કરી શકશે.

ICICI Prudential Lifeના સરેરાશ ડેથ ક્લેમ ₹15 લાખ

ICICI Prudential Life Insuranceએ FY2026માં પરિવારોને વ્યક્તિગત મૃત્યુ દાવા હેઠળ સરેરાશ ₹15 લાખ ચૂકવ્યા છે. કંપનીનો FY2026માં ક્લેમ સેટલમેન્ટ રેશિયો 99.3% રહ્યો છે. કંપનીએ FY2026માં કુલ ₹5,149 કરોડના મૃત્યુ સંબંધિત દાવાની પતાવટ કરી હતી.

JSW Cement અને Shiva Cementના મર્જરને મંજૂરી

JSW Cement અને તેની લિસ્ટેડ પેટાકંપની Shiva Cementના બોર્ડે મર્જર માટે Scheme of Arrangementને મંજૂરી આપી છે. આ મર્જરથી બંને કંપનીઓનું એક યુનિફાઇડ સિમેન્ટ પ્લેટફોર્મ બનશે. સ્કીમ હેઠળ Shiva Cementના દર 41 શેર સામે JSW Cementના 5 શેર આપવામાં આવશે.

Everbrands Indiaનો ₹600 કરોડનો IPO

Everbrands Indiaએ IPO માટે SEBI પાસે DRHP ફાઇલ કર્યું છે. IPOમાં ₹600 કરોડ સુધીનો ફ્રેશ ઇશ્યૂ સામેલ છે. કંપની Subway, Lavazza, Dilmah અને Fresh & Honest જેવી બ્રાન્ડ્સ સાથે ફૂડ અને બેવરેજિસ બિઝનેસમાં કાર્યરત છે. IPOના ભંડોળનો ઉપયોગ નવા Subway સ્ટોર્સ અને લોનની ચુકવણી સહિતના હેતુઓ માટે થશે.

AU Small Finance Bankનું 1,000 માઇક્રોફાઇનાન્સ બ્રાન્ચનું નેટવર્ક

AU Small Finance Bankનું માઇક્રોફાઇનાન્સ અને ફાઇનાન્શિયલ ઇન્ક્લુઝન નેટવર્ક 1,000 બ્રાન્ચને પાર થયું છે. આ નેટવર્ક 17 રાજ્યો અને 1 કેન્દ્રશાસિત પ્રદેશના 59,000થી વધુ ગામડાઓમાં 20 લાખથી વધુ ગ્રાહકોને સેવા આપે છે. બેન્કના નેટવર્કમાં 58 લાખથી વધુ ગ્રામીણ બચત ખાતા ધારકો પણ જોડાયેલા છે.

Technopaintsનો ₹500 કરોડનો IPO

Technopaints and Chemicalsએ SEBI પાસે DRHP ફાઇલ કરીને ₹500 કરોડ સુધીનો IPO લાવવાની યોજના બનાવી છે. તેમાં ₹325 કરોડ સુધીનો ફ્રેશ ઇશ્યૂ અને ₹175 કરોડ સુધીનો OFS સામેલ છે. કંપની પેઇન્ટ અને કોટિંગ્સના ઉત્પાદન સાથે પેઇન્ટ એપ્લિકેશન સેવાઓ પણ આપે છે. IPOમાંથી મળેલા ભંડોળનો ઉપયોગ નવી મેન્યુફેક્ચરિંગ અને ઇનોવેશન સુવિધા માટે કરવામાં આવશે.