ખિસ્સામાં કેશ રાખજો! આ દિવસે SBI UPI સેવા 45 મિનિટ બંધ રહેશે

સ્ટેટ બેંક ઓફ ઈન્ડિયા (SBI)ના 50 કરોડથી વધુ ગ્રાહકો માટે મહત્વની માહિતી છે. બેંકે 3 ઓક્ટોબર 2026ની રાત્રે scheduled maintenanceના કારણે SBI UPI સેવા અસ્થાયી રીતે બંધ રહેવાની જાણકારી આપી છે. જો તમે SBI ખાતા દ્વારા નિયમિત રીતે UPI પેમેન્ટ કરો છો, તો આ સમયગાળો ધ્યાનમાં રાખવો જરૂરી છે.

45 મિનિટ માટે SBI UPI સેવા રહેશે બંધ

SBIના જણાવ્યા મુજબ, 3 ઓક્ટોબર 2026ના રોજ રાત્રે 12:00 વાગ્યાથી 01:00 વાગ્યા સુધી SBI UPI સેવા ઉપલબ્ધ નહીં રહે. એટલે કે નિર્ધારિત સમય પ્રમાણે લગભગ 45 મિનિટ સુધી SBI UPI દ્વારા સામાન્ય ટ્રાન્ઝેક્શન પ્રભાવિત રહેશે. બેંકે જણાવ્યું છે કે આ સમયગાળા દરમિયાન જરૂરી મેન્ટેનન્સનું કામ કરવામાં આવશે. જોકે, મેન્ટેનન્સની કામગીરી નિર્ધારિત સમય કરતાં વહેલી પૂર્ણ થઈ શકે છે. તેથી સંપૂર્ણ 45 મિનિટ સુધી સેવા બંધ રહે તે જરૂરી નથી.

UPI Lite બની શકે છે વિકલ્પ

મેન્ટેનન્સ દરમિયાન ગ્રાહકો માટે UPI Liteનો વિકલ્પ ઉપલબ્ધ રહેશે. જે ગ્રાહકોએ પહેલેથી UPI Lite એક્ટિવેટ કર્યું છે અને તેમાં પૂરતું બેલેન્સ છે, તેઓ આ સુવિધા દ્વારા પેમેન્ટ કરી શકશે. UPI Lite ખાસ કરીને નાના મૂલ્યના પેમેન્ટ માટે ઉપયોગમાં લેવાય છે. તેથી રાત્રિના આ સમયગાળા દરમિયાન નાના પેમેન્ટ કરવાની જરૂર હોય તો અગાઉથી ઉપલબ્ધ UPI Lite બેલેન્સનો ઉપયોગ કરી શકાય છે.

જરૂરી પેમેન્ટ હોય તો અગાઉથી કરી લો

જો 3 ઓક્ટોબરની રાત્રે 12:15થી 1:00 વાગ્યા દરમિયાન કોઈ જરૂરી પેમેન્ટ કરવાનું હોય, તો તેને અગાઉથી પૂર્ણ કરવું યોગ્ય રહેશે. ખાસ કરીને એવા પેમેન્ટ માટે, જેને છેલ્લી ક્ષણ સુધી મુલતવી રાખી શકાય નહીં, ગ્રાહકોએ સમયનું ધ્યાન રાખવું જરૂરી છે. મેન્ટેનન્સ પૂર્ણ થયા બાદ SBIની UPI સેવા સામાન્ય રીતે ફરી ઉપલબ્ધ થશે.

તમામ UPI સેવા બંધ નહીં થાય

અહીં એક મહત્વની બાબત એ છે કે આ જાહેરાત માત્ર SBIની UPI સેવા સાથે સંબંધિત છે. તેનો અર્થ એ નથી કે 45 મિનિટ માટે દેશભરમાં તમામ બેંકોની UPI સેવા બંધ રહેશે. જો ગ્રાહક પાસે અન્ય બેંકનું ખાતું હોય, તો તે બેંકની UPI સેવા ઉપલબ્ધ હોય તેવી સ્થિતિમાં તેનો ઉપયોગ કરી શકાય છે.

SBIએ ગ્રાહકોને અસુવિધા બદલ ખેદ વ્યક્ત કર્યો

SBIએ પોતાના અપડેટમાં જણાવ્યું છે કે scheduled maintenanceના કારણે થનારી અસુવિધા બદલ બેંકને ખેદ છે. સાથે જ બેંકે સ્પષ્ટ કર્યું છે કે મેન્ટેનન્સનું કામ નિર્ધારિત સમય કરતાં વહેલું પણ પૂર્ણ થઈ શકે છે.

આ પણ વાંચો : Term Insurance ખરીદવાનો સાચો સમય કયો? 25, 30, 35 કે 40.. ?

આ પણ જુઓ :

Watch onYouTube