‘કેશ રાખજો સાથે!’ 2 ઓક્ટોબરે ‘No UPI Day’નું વેપારીઓ દ્વારા એલાન

₹2,000થી વધુના UPI ટ્રાન્ઝેક્શન પર લાગનારા ચાર્જના વિરોધમાં દેશભરના વેપારીઓએ વિરોધ પ્રદર્શનની જાહેરાત કરી છે. વેપારી સંગઠનોના જણાવ્યા અનુસાર, 2 ઓક્ટોબરે “નો UPI ડે” મનાવવામાં આવશે, જેમાં દેશભરના વેપારીઓ UPI પેમેન્ટ સ્વીકારવાનો વિરોધ કરશે અને ડિજિટલ પેમેન્ટ ડિવાઇસને કાળા કપડાથી ઢાંકશે.

વેપારી સંગઠનો એકજૂટ થયા

રિપોર્ટ મુજબ, ઓલ ઇન્ડિયા કન્ઝ્યુમર પ્રોડક્ટ્સ ડિસ્ટ્રિબ્યુટર્સ ફેડરેશન (AICPDF), ઓલ ઇન્ડિયા મોબાઇલ રિટેલર્સ એસોસિએશન (AIMRA) અને અન્ય વેપારી સંગઠનોએ આ વિરોધને સમર્થન આપ્યું છે. વેપારી સંગઠનોનું કહેવું છે કે આ મુદ્દે દેશભરના વેપારીઓ સાથે ચર્ચા કરવામાં આવી રહી છે અને કેન્દ્ર સરકાર સમક્ષ રજૂઆત કરવામાં આવશે.

નાના વેપારીઓ પર અસરનો દાવો

વેપારીઓનું કહેવું છે કે UPI દ્વારા થતા નાના મૂલ્યના ટ્રાન્ઝેક્શન પર પણ ચાર્જ લાગશે તો નાના દુકાનદારો અને ગ્રાહકો પર તેની અસર પડી શકે છે. તેમના જણાવ્યા અનુસાર, નાના વેપારીઓ માટે ડિજિટલ પેમેન્ટનો ખર્ચ વધવાની શક્યતા છે.

₹2,000થી વધુના ટ્રાન્ઝેક્શન ચાર્જનો વિરોધ

વેપારી સંગઠનો 15 ઓક્ટોબરથી ₹2,000થી વધુના UPI ટ્રાન્ઝેક્શન પર લાગનારા 0.4% ચાર્જનો વિરોધ કરી રહ્યા છે. વેપારીઓની માંગ છે કે આ ચાર્જને દૂર કરવામાં આવે, કારણ કે તેનાથી વેપારીઓ પર વધારાનો ખર્ચ વધી શકે છે.

QR કોડ અને ડિજિટલ ડિવાઇસ ઢાંકીને વિરોધ

વિરોધ દરમિયાન વેપારીઓ QR કોડ, સ્કેનર, સાઉન્ડ બોક્સ અને અન્ય ડિજિટલ પેમેન્ટ ડિવાઇસને કાળા કપડાથી ઢાંકવાની યોજના બનાવી રહ્યા છે. વેપારી સંગઠનોનું કહેવું છે કે રિટેલ વેપારીઓ અને ડિસ્ટ્રિબ્યુટરો ઓછા માર્જિન પર કામ કરે છે, તેથી ડિજિટલ વ્યવહારો પર વધારાનો ચાર્જ વેપાર ખર્ચમાં વધારો કરી શકે છે.

આ પણ વાંચો : સિનિયર સિટીઝન માટે સોનેરી તક ! આ 5 બેંકો આપશે FD પર 8% સુધી વ્યાજ

આ પણ જુઓ :

Watch onYouTube