Apple બદલશે iPhoneનો ચહેરો! iPhone 20 માટે લાવશે ફ્યુચરિસ્ટિક લુક

Apple પોતાના આગામી iPhone મોડલમાં મોટો ડિઝાઇન ફેરફાર કરવાની તૈયારી કરી રહ્યું હોવાના અહેવાલો સામે આવ્યા છે. રિપોર્ટ્સ મુજબ, કંપની 2027માં iPhone 19ની જગ્યાએ સીધો iPhone 20 રજૂ કરી શકે છે. iPhone લોન્ચના 20 વર્ષ પૂર્ણ થવાના અવસર પર Apple ખાસ એનિવર્સરી એડિશન રજૂ કરી શકે છે, જેમાં ફોનની ડિઝાઇન અને ડિસ્પ્લેમાં મોટા ફેરફાર જોવા મળી શકે છે.

iPhone 19ને બદલે iPhone 20 કેમ?

Apple અગાઉ પણ ખાસ વર્ષગાંઠ પર મોડલ નંબર બદલવાની રીત અપનાવી ચૂકી છે. 2017માં iPhoneના 10 વર્ષ પૂર્ણ થવા પર કંપનીએ iPhone 8 સાથે iPhone X રજૂ કર્યો હતો. હવે 2027માં પણ આવી જ રણનીતિ અપનાવવામાં આવે તેવી શક્યતા વ્યક્ત કરવામાં આવી રહી છે. જોકે, Appleએ હજુ સુધી iPhone 19 અથવા iPhone 20 અંગે કોઈ સત્તાવાર જાહેરાત કરી નથી.

ચારેય બાજુથી કર્વ્ડ ડિસ્પ્લે મળી શકે

રિપોર્ટ્સ અનુસાર, Apple નવા iPhone માટે ખાસ ગ્લાસ ડિઝાઇન પર કામ કરી રહ્યું છે. તેમાં ક્વાડ-કર્વ્ડ ડિસ્પ્લે મળી શકે છે, જેમાં સ્ક્રીનના ચારેય કિનારા હળવા વળાંકવાળા હશે. આ ડિઝાઇનથી ફોનના બેઝલ્સ વધુ પાતળા થઈ શકે છે અને આગળ-પાછળનો ગ્લાસ કિનારીઓ સુધી ફેલાયેલો જોવા મળી શકે છે.

Dynamic Islandમાં થઈ શકે ફેરફાર

નવા iPhoneમાં Apple સેલ્ફી કેમેરા અને Face ID સેન્સર્સને સ્ક્રીનની નીચે લાવવાની ટેક્નોલોજી પર કામ કરી રહ્યું હોવાના અહેવાલ છે. જો આ ટેક્નોલોજી સફળ થાય તો Dynamic Island દૂર થઈ શકે છે. જોકે ટેક્નિકલ પડકારોને કારણે Apple નાના Dynamic Island અથવા પંચ-હોલ કેમેરા ડિઝાઇનનો વિકલ્પ પણ અપનાવી શકે છે.

મોટી સ્ક્રીન સાથે નવી ડિઝાઇન

iPhone 20 Proમાં લગભગ 6.4 ઇંચ અને Pro Max મોડલમાં લગભગ 7 ઇંચની સ્ક્રીન મળી શકે છે. મોટી સ્ક્રીન હોવા છતાં ફોનનું કદ નિયંત્રિત રાખવાનો પ્રયાસ થઈ શકે છે.

ડિસ્પ્લે માટે Samsung સાથે ભાગીદારીની શક્યતા

રિપોર્ટ્સ મુજબ, Apple નવી ડિસ્પ્લે ટેક્નોલોજી માટે Samsung Display સાથે કામ કરી શકે છે. કર્વ્ડ ડિસ્પ્લેમાં મજબૂતી, બ્રાઇટનેસ અને ડિસ્પ્લે ગુણવત્તા જાળવવી પડકારરૂપ હોવાથી Apple તેના પર કામ કરી રહ્યું છે.

આ પણ વાંચો : ભારતીય અર્થતંત્રને મજબૂત ટેકો, ઓગસ્ટમાં કોર સેક્ટરની વૃદ્ધિ 4.8% પર પહોંચી

આ પણ જુઓ :

Watch onYouTube