ટ્રમ્પે AIનું નામ બદલીને Super Intelligence કર્યું, ટેક કંપનીઓ સાથે સહયોગ

અમેરિકામાં આર્ટિફિશિયલ ઇન્ટેલિજન્સ (AI) ક્ષેત્રને લઈને મોટું પગલું લેવામાં આવ્યું છે. USના રાષ્ટ્રપતિ ડોનાલ્ડ ટ્રમ્પના વહીવટીતંત્રે AI સંબંધિત નીતિઓ અને સુરક્ષા મુદ્દાઓ પર ધ્યાન કેન્દ્રિત કરતા નવા પ્રયાસો શરૂ કર્યા છે. આ દરમિયાન અગ્રણી ટેક્નોલોજી કંપનીઓએ AIના સુરક્ષિત વિકાસ માટે એક ‘મોરલી બાઇન્ડિંગ સેફ્ટી પેક્ટ’ પર હસ્તાક્ષર કર્યા છે.

આર્ટિફિશિયલ ઇન્ટેલિજન્સની ઝડપથી વધી રહેલી ક્ષમતાઓ વચ્ચે તેની સુરક્ષા અને જવાબદાર ઉપયોગ અંગે વિશ્વભરમાં ચર્ચા ચાલી રહી છે. આ પૃષ્ઠભૂમિમાં અમેરિકામાં ટેક કંપનીઓ અને સરકાર વચ્ચે AI સેફ્ટીને લઈને નવી પહેલ કરવામાં આવી છે. ટ્રમ્પ પ્રશાસન AI ટેક્નોલોજીને અમેરિકાની ટેક્નોલોજીકલ સ્પર્ધાત્મકતા માટે મહત્વપૂર્ણ માની રહ્યું છે. આ સાથે AIના વિકાસમાં સુરક્ષા માપદંડો જાળવવા પર પણ ભાર મૂકવામાં આવી રહ્યો છે. રિપોર્ટ અનુસાર, કેટલીક મોટી ટેક્નોલોજી કંપનીઓએ AI સેફ્ટી માટે એક મોરલી બાઇન્ડિંગ પેક્ટ પર સહમતિ વ્યક્ત કરી છે. આ કરાર કાયદાકીય રીતે ફરજિયાત નથી, પરંતુ કંપનીઓને AI સિસ્ટમના વિકાસ અને ઉપયોગ દરમિયાન જવાબદાર અભિગમ અપનાવવા માટે પ્રોત્સાહિત કરે છે. આમાં મુખ્યત્વે AI મોડલના જોખમો ઓળખવા, સુરક્ષા પરીક્ષણો કરવા અને સંભવિત નુકસાન ઘટાડવા જેવા મુદ્દાઓ પર ધ્યાન આપવામાં આવે છે.

વ્હાઇટ હાઉસમાં ટેક્નોલોજી ક્ષેત્રના અગ્રણીઓ સાથેની બેઠક બાદ ઓવલ ઓફિસની બહાર પત્રકારો સાથે વાત કરતા ટ્રમ્પે કહ્યું કે, કંપનીઓ સ્વૈચ્છિક કરાર દ્વારા સ્વ-નિયમન (પોતાના પર નિયંત્રણ) કરવા માટે સંમત થઈ છે; આ કરાર કાયદાકીય રીતે ફરજિયાત નહીં હોય. આ બેઠકમાં એનવીડિયા (Nvidia)ના સીઈઓ જેન્સેન હુઆંગ, ઓપનએઆઈ (OpenAI)ના પ્રમુખ ગ્રેગ બ્રોકમેન, એન્થ્રોપિક (Anthropic)ના સીઈઓ ડેરિયો એમોડેઈ, મેટા (Meta)ના સીઈઓ માર્ક ઝુકરબર્ગ, એલન મસ્ક, એમેઝોનના સ્થાપક જેફ બેઝોસ, માઈક્રોસોફ્ટના સીઈઓ સત્યા નડેલા અને ગૂગલના સીઈઓ સુંદર પિચાઈ સામેલ હતા. USના રાષ્ટ્રપતિ ટ્રમ્પે આ કરારને ટેક્નોલોજી કંપનીઓની એવી પ્રતિબદ્ધતા તરીકે વર્ણવ્યો કે જેના હેઠળ AI સિસ્ટમ્સ વધુ અદ્યતન બનતી જાય તેમ સુરક્ષાના ઉપાયો અમલમાં મૂકવામાં આવશે.

AI સુપરઇન્ટેલિજન્સ પર વૈશ્વિક સ્પર્ધા

AI ક્ષેત્રમાં હવે માત્ર વધુ શક્તિશાળી મોડલ બનાવવાની સ્પર્ધા નથી, પરંતુ વધુ સુરક્ષિત અને વિશ્વસનીય AI સિસ્ટમ વિકસાવવાની દિશામાં પણ કંપનીઓ વચ્ચે સ્પર્ધા વધી રહી છે. AI Superintelligence (SI) એટલે એવી AI ક્ષમતા જે અનેક ક્ષેત્રોમાં માનવીય બુદ્ધિ કરતાં વધુ કાર્યક્ષમ બની શકે. આ પ્રકારની ટેક્નોલોજી ભવિષ્યમાં ઉદ્યોગ, આરોગ્ય, શિક્ષણ, નાણાં અને સંરક્ષણ જેવા ક્ષેત્રોમાં મોટો ફેરફાર લાવી શકે છે. જોકે, AIના ઝડપી વિકાસ સાથે ખોટી માહિતી, ડેટા સુરક્ષા, સાઇબર જોખમો અને નિયંત્રણ જેવા પડકારો પણ વધી રહ્યા છે.

અમેરિકા AI ટેક્નોલોજીમાં વૈશ્વિક નેતૃત્વ જાળવી રાખવા માટે પ્રયાસ કરી રહ્યું છે. મોટા ટેક પ્લેયર્સના રોકાણ, સંશોધન અને નવી AI સિસ્ટમના વિકાસને કારણે અમેરિકાનું AI ઇકોસિસ્ટમ ઝડપથી વિસ્તરી રહ્યું છે. સરકાર અને ટેક કંપનીઓ વચ્ચેનો આ પ્રકારનો સહયોગ AI વિકાસને પ્રોત્સાહન આપવાની સાથે સુરક્ષા મુદ્દાઓ પર ધ્યાન કેન્દ્રિત કરવાનો પ્રયાસ છે.

આ પણ વાંચો: Inox Clean Energy IPO: રિન્યુએબલ એનર્જી કંપનીનો ₹10,000 કરોડનો ઈશ્યૂ, SEBI પાસે DRHP ફાઇલ

આ પણ જુઓ:

Watch onYouTube